2014年11月7日 星期五

【捐窿捐啦】通達食店 Tung Tat Food Shop

通達呢個名我細細個就聽過啦!係唔係好出名?我就唔知啦, 但我真係細細個已經食佢,因為我讀個間小學就係附近, 我媽咪有時會帶我同哥哥去通達食野,所以過開太子口痕都會過黎食野,每次都重拾我童年回憶,好似番番細個個陣咁。
通達食店
通達食店
黎到通達一定要食佢個招牌魚蛋!!!!!
辣有唔
招牌魚蛋
佢既招牌魚蛋有辣同不辣之分,從顏色睇上去,已見到魚蛋已煮左一段時間,應該有足夠時間吸收咖喱味。食落魚蛋肉質非常結實有咬口,咖哩味道香辣澎湃,重點係D辣又可以入到D魚蛋入面,真係好正!!!
碗仔翅魚肉 - 旺角的通達食店
碗仔翅魚肉
仲有仲有,我細個最愛---碗仔翅魚肉,重口味既糊仔, 肉絲,菇,木耳超多,魚肉都保持到水準,依然係煙韌而有重魚味。生菜o係最底 ,清甜爽脆 , 相比起魚肉粒 , 份量顯然比較少,食番都開心!
栥飯
呢個栥飯Spd4459 Deli Yau Tsim Mong我細個成日帶番學食,次次有得帶都好開心糯米煙靱,不過佢感覺唔係好黏咁,即係有DD爽既感覺,炸菜真係幾鹹不過好惹味 ;而油炸鬼就唔太脆,但係可接受既"林"。
地址:旺角花園街172號地下

【捐窿捐啦】廟街牛雜

我地SPD4459 Yau Tsim Mong 爹您術士繼續帶大家響廟街搵食! 廟街除左出名食煲仔飯之外, 仲有就係呢間無時無刻都要排隊既廟街牛雜啦。 呢度賣既除左係牛雜, 仲係賣特色! 大家認住下面呢個咁有風味既招牌!!!!


香港人最鍾意既就係懷舊既車仔檔, 唯然呢間廟街牛雜係有舖面, 但都仲保留左D懷舊既街頭小食既味道! 見到下面呢隻一格格既車同拎住把較剪係咁剪既老闆, 真係充滿街頭風味!

除左懷舊之外, 呢度D牛雜都賣得唔貴, 30蚊已經有一大盒, 仲有好多款野食俾你, 唔洗咁dry!

想一串串咁叫都可以, 但我地SPD4459 Yau Tsim Mong 爹您術士就覺得都係買一大盒抵食D, 仲可以同朋友開心share添!

一盒裡面已經有哂牛膀牛肚柚皮同埋蘿蔔! 我地我地SPD4459 Yau Tsim Mong 爹您術士最欣賞既就係幼嫩既牛肚, 又滑又香又juicy, 吸哂D腩汁真係好正! 而最緊要既就係要試埋D配料: 甜醬,芥茉同辣醬, 加埋D牛雜一齊食真係一流。 鍾旎食牛雜既你, 呢間廟街牛雜真係唔可以放過!


地址: 油麻地鴉打街18號


【一窩瘋】生記海鮮菜館

我地SPD4459 Yau Tsim Mong爹您術士決定帶大家黎到呢條懷舊既廟街!!!!相信大家都聽過廟街, 但就未必黎過, 所以我地爹您術士專誠介紹下呢度好少人知既大排檔。


大家認住呢個門面呀, 大大隻字寫住生記嫁!
呢間大排檔可以稱得上係平靚正, 岩哂一大班人食飯吹水REU, 我地SPD4459 Yau Tsim Mong爹您術士成日都黎食嫁。




呢度既煲仔飯同蠔餅其實唔錯, 仲幾平添, 而且唔洗等位, 上菜亦都非常快。

窩蛋牛肉煲仔飯





呢個係我地SPD4459 Yau Tsim Mong爹您術士至愛既煲仔餅。隻窩蛋係重點, 除此之外, D飯煮得岩岩好, 唔會太燶, 個底仲有D飯焦, 正呀!






蠔餅







當然唔少得既梗係呢個蠔餅啦, 佢炸到脆卜卜, 但又唔會食落感覺好油, 而且個醬汁仲好好食。唔好以為裹面冇咩蠔, 查實食落淡淡都有蠔嫁。











 
豉椒炒蜆




仲有呢豉椒炒蜆, 雖然食落一D都唔辣, 但勝在個汁好夠味, 用黎撈飯真係一流!!而且呢碟蜆都算幾大碟, 足夠大圍一齊食:D








椒鹽九肚魚




最後就係呢味椒鹽九肚魚, 佢炸得好靚好脆, 食落都仲係熱辣辣, 係岩岩炸起既, 實在值得一讚。不過可以叫雙併既話就更好, 可以食埋個鮮魷!









地址: 油麻地廟街19號




2014年11月6日 星期四

【捐窿捐啦】萬家燒餅皇 Man Ga International

今次, 我地SPD4459 爹你術士為大家介紹旺角一間食武大郎同各種廣東小食!

 呢間小店有多款特色燒餅, 好多都好好食. 但我地SPD4459 爹你術士只有有限胃口. 所以我地今次只係介紹其中幾款招牌食品. 其他食品就由大家試試啦!! 試完記得話返俾我地SPD4459 爹你術士知!! (下面有得留comment呀!!)

今次我地介紹既係:
武大郎

武大郎
呢個武大郎好足料!!! 十幾蚊有好多餡, 好飽!! 個包岩岩出鑪, 外脆內軟. 豬肉餡料有好多肉汁,少少辣, 好正!! 但份量真係幾勁, 有點滯! 所以細食女仔可以選擇淑女餅, 淑女餅係迷你版武大郎. 一樣咁好食的

胡椒餅

胡椒餅

呢個係胡椒餅呢間小店既另一招牌. 相信有去過台灣夜市既朋友都會食過胡椒餅, 呢間既胡椒餅同台灣的對比, 有過之而無不及. 咬落去, 佢個酥皮做得十分香同鬆, 餡料比台灣的多菜些少, 比較fresh, 但呢間的胡椒味十分香.真係會有食上瘾的感覺!喜歡胡椒味既朋友, 一定要光顧一下呢個胡椒餅!

燒餅皇
 叫得萬家燒餅皇, 又點會冇燒餅皇! 燒餅皇外形有點似pizza, 食落個餡料同武大郎差唔多..一樣好好味, 兩者分別主要係個包..燒餅皇就會比較脆同香口. 燒餅皇同武大郎價錢一樣, 可以案自己喜愛, 揀食燒餅皇/武大郎, 又或者學我地咁, 兩個都食哂!!


地址: 旺角登打士街43P-S號鴻輝大廈地舖

【甜在心】 貴花甜糖水甜品專門店

食埋食埋咁多好野 唔食個甜品點對得著自己

今次我地SPD 4459 DeliYauTsimMong就同大家介紹一下 貴花甜


一間絕對令你有驚喜嘅甜品鋪

佢除左甜品有靚賣相 鋪面都相當吸引

另外亦有下午茶餐
就會跟餐有個咖啡




介紹完鋪面 就到我地SPD 4459 DeliYauTsimMong 嘅重點推介--心太軟

各位可能就覺得 心太軟係重點 會唔會太普通呀

但係一個好味嘅心太軟就真係可遇不可求

佢地的心太軟  朱古力味相當濃郁  但又唔會過份地甜 

加上個蛋糕  入口真係一流

隔離仲有個雪糕球  一凍一熱  相輔相成

跟著就到到另一個推介  薄荷朱古力冰露

一個max&match 式嘅甜品

口感相當有趣

棉花糖 雪糕 仲有冰冰 加埋一齊就十分吸引

分量仲相當大

今次嘅介紹又差不多了 下次再同我地 我地SPD 4459 DeliYauTsimMong 一齊食盡 YauTsimMong 喇

地址:油麻地砵蘭街6號地下





【鬆一鬆】The Sky Bar

旺角經常都人山人海,車來車往。想搵個地方坐下輕鬆下都難啊。
今次我地spd4459 爹您術士油尖旺就會介紹一個好relax既地方比大家。
佢就係係旺角朗豪坊既 The SkyBar,大家可以坐低飲杯野嘆下啦!

This time we, spd4459 - DeliYauTsimMongers, would like recommend you a 'hea' place in Mong Kok when you are looking for a good place for rest. The Sky Bar is located at 13/F of Langham Place


The Sky Bar 提供各種不同既飲品,有啤酒,雞尾酒,紅白酒及不含酒精既飲品。
啤酒黎講,我比較鍾意淡口少少既Stella Artois 。

The Sky Bar provide different types of drinks which is including beer, cocktail, wine and non-alcoholic drinks. For beer, I perfer Stella Artois.

去到The Sky Bar 就緊係要試下個度既生蠔啦。
生蠔好鮮甜加埋淡淡既海水味,唔需要加調味已經係十分出色啊!
生蠔再配埋白酒更係冇得頂啊!

You must try the oysters of The Sky Bar. Oysters are fresh, plump and sweet. It would be much better that with white wine.

The Sky Bar都十分適合不同的場合,特別係同朋友一齊坐低飲番杯啊!
真係好想快d考完試同各位spd4459 Internet Marketing and Public Relations DeliYauTsimMong既chings一齊去啊!

【懷舊系列】金華冰廳


太子其實有好多野食, 你平時去開邊間呢?食D咩呢? 太子有條食街,其中華星冰室我地Spd4459 IMPR Deli Yau Tsim Mong 都有介紹過, 到今次再黎到太子食咩好?
其實有時黎到太子行下金魚街花園街,行過金華都係好想去, 見到佢既菠蘿油就流哂口水! 但係見到好多人我又趕時間結果就無去過了。今次終於去到了!!!
金華冰廳的相片 - 太子
金華冰廳
門口招牌
金華冰廳的相片 - 太子
一早聽講過金華既菠蘿油好好食,所以一定叫呢個!
菠蘿


本身我已經係個菠蘿包愛好者,WOW, 真係未試過都唔知咁正。個菠蘿包好大個好厚身,出面包皮烘得岩岩好,咬落去熱辣辣得黎又有質感,再講上面嗰舊脆脆皮,真係my favorite!!!!,好厚又多,落足料 ,味道十分濃郁,本身呢個菠蘿包熱辣辣新鮮出爐真係無得輸, 再加上一塊凍冰冰又厚又大既牛油, 真係超好味., 十個讃!!!!!!!!!!

金華冰廳的相片 - 太子
凍奶茶
唔知大家會唔會同spd4459 Deli yau tsim mong一樣覺得菠蘿油係要配凍奶茶。凍奶茶味道偏甜,茶味好濃, 如果大家怕甜可以叫少甜。

地址:太子弼街47號地下