【捐窿捐啦】天仁茗茶

Lalalala, 今次我地SPD4459 yau tsim mong 爹您術士油尖旺同大家唔係再係搵野食, 而係捐窿捐啦搵野飲! 因為我地spd4459 Deli Yau Tsim Mong知道大家掃街唔止想食野, 仲想飲野, 咁唔知大家平時飲開D咩呢? 係咪貢茶, 貢茶同埋貢茶?今次介紹俾大家既都係台灣飲品, 就係天仁茗茶啦! 話說之前我地SPD4459 Deli Yau Tsim Mong去親台灣都會去買天仁茗茶飲, 因為覺得貢茶嗰D既水準愈來愈參差, 所以當天仁一登錄香港既時候, Spd4459小編就衝左去希慎誠品買黎飲，終於等到花兒也謝了，天仁喺旺角開左分店，Oh, YES!!!!!

有咩咁吸引我？而家就話你知．．．．．．

　　　

舖頭不大，但麻雀雖小，五臟俱全！

天仁茗茶，顧名思義，有得茗茶，天仁除左外帶飲品之外，仲有賣埋茶葉。而佢既外帶飲品茶味比較濃，唔會成口奶味。

甜度,冰度

珍珠奶茶

今次都係飲番最基本－珍珠奶茶

落左order唔夠五分鐘就有得拎了，好有效率! Spd4459 Yau Tsim Mong小編急不及待試左一口啖先, 奶茶茶味幾香濃, 果然用上真正茶葉係唔同Ｄ. 唔單止味道較佳, 亦斬比開粉嗰Ｄ奶茶飲得更加放心. 而珍珠既分量都唔少, 好有咬口.仲係有少少甜味。

之前Spd4459 yau tsim mong小編有飲開奶綠, 都係高度推薦之選!

地址: 旺角花園街18-24號地下4號鋪

【港式風味】 老點點心竹筒飯

我地，SPD4459 爹你術士油尖旺，真係唔係老點大家！今次介紹既食店真係叫老點。一間食新派點心既專門店

排骨竹筒飯

 招牌竹筒飯，用紅米加白飯，特別健康

蝦餃

 用了原隻大蝦，十分爽口！

斑蘭馬拉糕

 店主用新鮮斑蘭製作，十分香斑蘭味

上肉響鈴腸粉

 即叫即做的腸粉，用上響鈴做配搭，內脆外軟滑

咸香黑魚子蒸燒賣

有別普通燒賣，黑魚子咸咸香香，加上足料蝦肉，勁正！

 呢間點心真係好正！世界級既新式點心！我唔係老點大家，大家一定要試下！

地址：旺角 染布房街12-14A號依利大廈地下A號舖

【異國風】漢城 Hansung Co.

上次帶完大家喺旺角食台灣野，今次spd4459爹您術士油尖旺yau tsim mong異國風系列

就帶大家黎到尖沙咀搵韓國野食！

話說漢城同另一間韓國野(邊間？請等下回分解)係我尖沙咀既韓國飯堂，久唔久想食下泡菜。

其實漢城我諗大家都唔陌生嫁啦，分店都係喺油尖旺區，

約會，re-u,一窩瘋都得，又唔洗等好耐位。

今次我點左啲咩食？而家就話你知……

環境Surrounding environment

由於是次唔係假日，我地去到既時候唔需要等位，入到去依舊簡單整潔。每張檯都有一壺水同杯，方便客人飲用。

餐牌Menu

餐牌Menu

附上漢城經典餐牌，中英韓文對照，圖文並茂。除普通飲品外，另有各式啤酒提供。

炸雞餐牌 Korean Fried Chicken menu

唔知大家有無受來自星星的你影響，好想食炸雞飲啤酒呢？漢城有三款炸雞，分別係甜辣炸雞，豉油炸雞同埋原味炸雞。份量方面，客人可以選擇半隻或者一隻，如果一隻既話就會送一罐hite啤酒添！
由於對上一次SPD4459Yau Tsim Mong油尖旺爹您術士小隊黎漢城試左原味，今次就想試下新口味，叫左半隻甜辣炸雞。仲有叫左啲咩？叫左我既例牌辛辣麵炒年糕，泡菜餅，海鮮煎餅同埋一罐芒果汁價值十圓正。

小碟

其實係我地睇緊menu諗食咩既時候，店員就比小碟我地食，有我最愛既泡菜！

甜辣炸雞 Sweet and Spicy Korean Fried Chicken

好野，第一碟黎既係甜辣炸雞，好香！睇賣相就好吸引了！外皮厚度一般，唔係太脆，但無滲油既情況出現, 而雞肉就保持有D水分，易咬易入口，配上甜辣醬汁更加惹味, 而且雞骨唔算多, 可以話係啖啖肉既。

海鮮煎餅Seafood Green Onion Pancake

實不相瞞，小妹去親飲茶都叫薄"餐”食，黎到漢城見到呢個賣相梗係唔好執輸，叫返個海鮮煎餅試下，睇下中式同韓式有咩分別啦！個海鮮煎餅一到，熱辣辣又香噴噴，我就急不及待試返一塊先。呢個煎餅的確同中式幾相似但比中式既厚身啲，多材料啲，都幾有口感，結果我就一塊一塊咁食哂。

泡菜餅 Kimchi Pancake

到泡菜餅了！同樣地當然唔好放凍先食，呢個泡菜餅都幾足料，啖啖都有泡菜, 唔算太辣,非常香口，喜歡吃辣既更加可以一試，但比海鮮煎餅膩一啲。

辛辣麵炒年糕Stir-fried Rice Cake Pasta With Ramen

最後就係到我每次既例牌， 重口味既我覺得呢個好飽肚好抵食，而且好中意年糕煙煙韌韌既口感，好似喺口度彈彈下。呢個份量都唔少，而且比較濃味，溫馨提示下大家，呢一個汁偏辣，可能食唔慣辣既朋友仔未必接受到佢既辣，因為係無得揀辣度嫁！但食辣既朋友，我地Spd4459 Yau Tsim Mong油尖旺爹您術士小隊誠意推介呢個比你！

芒果汁mango juice $10

地址:尖沙咀寶勒巷6-8A地下

【鬆一鬆】100 BITES 歐陸風情 X LITTLE TWINS STAR

100 BITES 一向無論係主菜、甜品、服務各方面都係無得彈!
今次仲期定聯同LITTLE TWINS STAR 黎個CROSS OVER, 梗要趕係10月31之前黎試!

 
店內以黑白為主色，營造時尚而又愜意既感覺。


卡位：佈置著LITTLE TWINS STAR 既裝飾，情侶一齊黎重拾童真就最浪漫。
( 溫馨提示：如人流多，便要5人以上，才可獲安排這2款主題檯 )

[限定之選推介]

KIKI 鮮奶咖啡 (左) , LALA意大利泡沫咖啡 (右)

味道雖然沒什麼特別，但賣相真係好可愛。如果你女朋友鐘意影相，一定要帶佢黎試。

Strawberry Waffle with Vanilla Ice Cream 士多啤梨窩夫配雲呢拿雪糕

外脆內鬆軟既waffle，搭配淡淡既雲呢拿雪糕，再以酸酸地既士多啤梨果肉、醬汁作點綴，好幸福啊！

[鎮店之選推介]

The Dark Knight Chocolate Cake 黑騎士蛋糕


黑騎士蛋糕長駐店內，可謂鎮店蛋糕！雖然爹您術士唔太好太濃味既甜品，但每一口香濃既朱古力味當中，夾帶住RASEBERRY既酸甜，唔會覺得溜。


Yogurt Ice-cream with Pop Candies 七彩爆炸糖乳酪雪糕


整個甜品賣相設計得玩味十足！
像真度極高既粉筆，咬落去好過癮，滿足哂兒時貪玩粉筆既幻想。
最值得一讚既係，乳酪雪糕配埋入口「劈哩啪啦」既爆炸糖，口感一流！


Raspberry Blackcurrant Mousse Cake 紅桑子黑加侖子慕絲蛋糕（HK$35) 

外型十足十個桃，Mousse好軟滑。
切開後，見到中間有紅桑子及黑加侖子碎，甜而不膩，帶點酸，而糕底的餅，脆而不硬。


除左賣相一流，味道有驚喜之外，店員每上一碟菜色都會殷勤介紹食法。
絕對係五星級既享受！

地點：旺角朗豪坊10樓

【鬆一鬆】ECF cafe

今次我地爹您術士介紹嘅係尖沙咀有特色既樓上café---EFC café!!! 成間cafe以希臘作為裝飾主題，以藍白為主，牆上掛了不少油畫，令人置身其中，真的不錯!! 比起一般的cafe舒適也不算太吵，很適合聊天吃飯!角落還有一間小房子大沙發，適合一大班人gathering!!!
I LOVE this cafe A LOT!!!!This café is awesome!!!!

我地點了一個西冷扒的set dinner、三文魚凱撒沙律和小食拼盤!!!`

最先來到的是沙律，

 煙三文魚很新鮮，賣相一流，很喜歡帶點微酸的凱撒沙律，下一次再來一定會再點!!!

然後是小食拼盤，

小食拼盤有芝士春卷、雞翼、洋蔥圈和炸魚柳，賣相比pizza hut的小食拼盤差不多，很喜歡芝士春卷，咬開時有點像吃芝心批的邊，很滋味好吃!!!

set dinne叫了西冷牛扒，

set dinner可以選配薯茸薯角或薯片，
這次選了薯角，黑椒汁略濃，但西冷牛扒很大塊很惹味!兩位爹您術士也可以吃得好滿足!

最後點了一客心太軟和一杯特飲，

心太軟跟餐價$28，價錢合理，餐廳的侍應還很貼心問我要唔要點蠟燭。

哈哈，雖然這天唔係慶祝生日，但還是要了蠟燭，許了個願!!!XDD

Ice Mocha

好喜歡濃濃的咖啡味，份量也很適中。

我地爹您術士吃很得很飽很滿足，尖沙咀而言這個價錢超值，每人around $100!!!
加上環境氣氛不錯，侍應也很有禮貌，我地相信我地很快會再來光顧!!!

地址:尖沙咀亞士厘道27號7樓

SPD4459 爹您術士好BLOG 推介

相信大家都想知多D 香港仲有咩其他好食既地方，爹您術士今日同大家推介幾個人氣王既美食BLOG!

Want to know more about the great places of dinning?
Deliyautsimmong would like to share some blogs to our Fans.


FIRST Stop 第一站: FVenture 
Blog: http://fventure-spd4459.blogspot.hk/



FVenture 為大家搜羅左好多深水埗既平靚正美食! 跟住FVenture同爹您術士既為食推介，沿住油尖旺一路食過去深水埗，包你唔會錯過地鐵紅線既美食!


SECOND Stop 第二站: Yuen Long Jetso
Blog: http://spd4459-yuenlongjetso.blogspot.hk/

 
元朗區對於市區人可能比較陌生。難得入到去又怕自己懞下懞下唔知有咩好食?! 咁就要CLICK 入去睇下，唔好走寶。元朗既野食真係幾平幾特色。


THIRD Stop 第三站: FoodTea IsLand
Blog: http://spd4459foodteaisland.blogspot.hk/


放假想去離島鬆一鬆，嘆下世界，梗係要知有咩好食既地方啦。FoodTea IsLand絕對滿足到你。網主唔知係咪個個禮拜去香港唔同既島探險覓食既呢? 估唔到荒野郊區都咁多選擇。

【異國風】西門町台灣麵食

我地油尖旺爹您術士(SPD4459) 帶大家食完甜品之後, 又係時候同各位去食返餐好既! 今次爹您術士決定同大家去食台灣野, 唔講唔知, 原來呢間野就係響女人街入面, 大家行過既時候有冇留意到呢? 間餐廳叫做西門町台灣麵食。

呢度D裝修都幾特別, 有少少懷舊既feel, 但就睇唔出有台灣feel :P

又到左叫野食既時候啦, 首先當然係叫D小食醫下肚先啦。

涼拌茄子

呢個係涼拌茄子, 食落個汁都唔錯, 醬汁係甜甜酸酸既味, 但由於佢係凍既, 所以爹您術士認為食落唔及熱既茄子咁好食。

酸辣粉皮

然後仲有呢個酸辣粉皮, 佢個味道相比起平時食開既四川粉皮冇咁辣, 都冇咁酸。 如果唔食得辣既食家, 呢個粉皮岩哂你。 但如果好辣既各位, 爹您術士就唔建議你叫呢個啦!









而講到台灣野當然唔少得一定要叫肉臊飯啦岩唔岩先, 所以即刻帶大家入正題。

肉臊豆腐飯

D肉臊調味岩岩好, 唔會太重口味, 都幾好食。而且D飯煮得都幾軟, 配搭埋D豆腐認真唔錯, 不過如果可以再有多少少肉臊就非常好啦。

口水雞

呢個口水雞認真唔錯, D雞又肥美, 肉又滑溜, 但當然呢個都唔係好辣啦, 不過味道都唔錯啦, 值得一試, 下次仲可以試埋個醉雞添!

芋頭珍珠奶茶+珍珠胚芽奶茶

最後當然唔少得要叫杯台式特飲黎試下啦。我地爹您術士就叫左2杯黎開心share, 一杯係芋頭珍珠奶茶, 而另一杯就係珍珠胚芽奶茶。整體兩杯都唔係話好令人驚喜, 但味道都調得岩岩好, 唔會話太甜或者太淡。而D珍珠亦都軟硬適中, 可以一試。










地址: 旺角通菜街2號鴻光大廈2N號地舖